Ons almal ken die bekende gedig, “Voetspore”.  Die verhaal van iemand wat ‘n sukkelbestaan in die lewe gevoer het, en toe vir Christus gevra het waar was Hy toe dit moeilik met hom of haar in die lewe gegaan het.  Ek gaan egter nie vanaand met julle praat oor die gedig voetspore nie.

Elkeen van ons is egter op pad iewers heen en laat voetspore na waar ons ookal gaan.  Hetsy fisiese voetspore op die pad of voetspore in die lewens van mense met wie ons in aanraking kom.  Ons is dus almal op ‘n lewensreis.  Vir die van ons wat probeer om ‘n goeie Christelike lewe te lei is ons as’t ware op ‘n geestelike reis.