|
Sewendedag Adventiste |
|||||||||||||||
|---|---|---|---|---|---|---|---|---|---|---|---|---|---|---|---|
DVD - Bediening |
Twee manne het oor paasnaweek by die Vaaldam gaan visvang. Sommer die vrouens en kinners Kampvergadering toe gestuur. Glo te moeg gewerk. Die een, ons noem hom Piet was 'n geoefende visserman maar Braam het sommer maar saamgegaan vir die rus. Elke keer as Piet 'n grote uitgetrek het, het hy die vis in sy koelboks met droëys toegemaak en weer ingegooi. Braam het maar al die grotes teruggegooi en net 'n paar van so 30cm gehou. Piet kon dit net nie begryp nie. Uiteindelik kon hy dit nie meer aanskou nie en vra toe vir Braam hoekom hy dan al die goeie visse terug gooi. " Maar my pan is maar so 30cm in deursnee. Ek sal nie daai groot visse kan bak nie" was Braam se antwoord. Ons giggel nou lekker vir die onnosel ou Braam. Daar was darem 'n paar ander opsies ook? Maar dis nie die punt nie. God gee ook vir ons groot idees, planne, drome en geleenthede. Maar wat maak ons dan? Gooi dit in God se gesig terug want ons geloof is te klein. Of dit nou 'n probleem of geleentheid is, God sal altyd sorg dat dit in ons Geloofs-pan sal pas. Onthou: "Filippense 4:13, Ek is tot alles in staat deur Hom wat my krag gee." Moenie jou groot probleme aan God vertel nie. Vertel jou probleme aan ons GROOT God! JEREMIA 29:12 Dan sal julle My aanroep, tot My kom bid, en Ek sal julle gebede verhoor.
|
DVD - Bediening |
|||||||||||||
|
Filadelfia
gemeente van Sewendedag Adventiste Centurion Pretoria |