|
|
Hoe
help ons die beertjies?
 So baie mense daar buite
sukkel elke dag om te oorleef, positief te bly en ‘n
betekenisvolle bestaan te maak. Dieergste geraak deur armoede en
hongersnood is ons kleingoed. Koue lyfies, leë magies, seer
hartjies en onderontwikkeling is in party gemeenskappe aan die
orde van die dag…al is dit vir die meeste van ons moeilik om dit
in te dink.
Booysens Beertjies is ‘n kleuterskooltjie in Pretoria-Wes
wat 148 kinders uit ‘n baie arm gemeenskap opvoed tot die beste
van hulle vermoë. Die huislike omstandighede waarin baie van die
kindertjies leef is gladnie stimulerend nie en veroorsaak
leerprobleme, spraakgebreke en gedragsprobleme onder andere. Die
behoefte om ons is baie groot, en as Jesus hier was, sou ons hom
onder die armes en die gebroke mense kon vind!
Filadelfia se vrouebedieninge, in samewerking met die
welsyn, wil graag ‘n paar klein mensies se lewens aanraak!
Vir meer as ‘n maand samel ons klere, kos, speelgoed en geldjies
in om te probeer om in van hierdie kinders se behoeftes te
voorsien. Op die 24ste Junie gaan ons al hierdie goedjies
aan hulle oorhandig! Elke kind kry ietsie om hulle dag, en
hopelik meer, op te vrolik, en om vir ‘n leeftyd Jesus se liefde
in hulle agterkoppies in te prent. Ons sien uit na ‘n poppekas
vertoning, ‘n lekker ete, stories, lag en speel. Ons gaan Jesus
vir kinders wys wat lig in hulle lewens nodig het!!
Ons het ‘n paar basiese,
persoonlike goedjies nodig om vir elke kind dieselfde geskenkie
te kan gee. Hou asseblief julle oë en ore oop vir nuus en
verwikkelinge oor die skoenbokse.
Daar is nog baie klein werkies wat afgehandel moet word voordat
ons verseker kan wees dat die dag glad gaan verloop. Take wat
vir ons voorlê sluit in die sortering van die klere, wat ons uit
die gemeente ontvang het, in pakkies wat makliker uitgedeel kan
word.
Ons het hande nodig wat
bereid sal wees om te help met die vervoer van kos, klere, bokse
ens. op die dag, met die voorbereidings wat by die skool moet
plaasvind, en met die hantering en uitdeel van geskenke aan die
kinders. Ons gaan beslis nog op elkeen se knoppie druk om in
enige manier tyd en moeite by te dra.
Om ‘n groot projek soos hierdie suksesvol af te handel, het ons
nodig om met toewyding ons heel beste poging aan te wend. Ons
vertrou dat elkeen van julle in ‘n manier betrokke sal raak…die
tyd staan al nader! 12 Junie, 9:00vm, kerk kombuis….
Ons het soveel hande as moontlik nodig om te help klere sorteer
vir 2 of 3 ure. Bring asseblief baie plastiek sakke saam om die
klere in te verpak. 24 Junie, 9:00vm-11:00vm, h/v Attie-
en Wilhelm straat, Booysens, Pretoria-Wes…
Elkeen is welkom! Mans, vroue en kinders! Kom deel asseblief in
die vreugde van die dag! Om te gee baat die person wat gee meer
as die een wat ontvang…elke keer!
|
Posbus 53801
Wierda Park 0149 |
|
Filadelfia
gemeente van Sewendedag Adventiste Centurion Pretoria |
Updated on/Op datum gebring op
Wednesday, June 08, 2011 01:57:09
deur de Wet
Vorster
|
Filadelfia Congregation of Seventh-day Adventists Centurion Pretoria |
