|
Sewendedag Adventiste |
|||||||||||||||||
|---|---|---|---|---|---|---|---|---|---|---|---|---|---|---|---|---|---|
DVD - Bediening |
OP
REIS
Ons weet nou ook dat ‘n reis gepaard gaan met sekere beplanning, en dat baie mense ons op die pad kwaad maak omdat hulle nie almal in ag neem met die wyse hoe hulle bestuur nie. Baiekeer wanneer ons ook nie ‘n pad ken nie maak ons ook gebruik van ‘n Globale Posisionele Sisteem, of in kort ‘n GPS. Dit bring my by die tema, naamlik “Op Reis”. Ons teksvers kom uit Psalms 17:5 en lees as volg: “My gange het vasgehou aan U spore, my voetstappe het nie gewankel nie”. Dawid die skrywer van hierdie woorde, het soos ons weet, definitief op die lewens of geestelike pad gewandel sonder om te wankel nie. Ek sal ‘n bietjie later verder hieroor uitbrei, aangesien dit die kern van my boodskap vanaand is. Op ons lewensreis is ons baiekeer besig om te oorleef, aangesien daar so baie struikelblokke op ons weg is. Hetsy finansies, ons werk, mense met wie ons mee omgang en dies meer. Ons is dus meeste van die tyd in ‘n oorlewingsstryd gewikkel in hierdie reis van die lewe. Klaarblyklik as ‘n mens in die veld is en moet oorleef kan jy byvoorbeeld water uit ‘n maroelawortel tap, maar verg dit baie energie, en energie is iets wat jy nie in die bos behoort te vermors nie. ‘n Mens moet dus baie mooi dink voordat jy vir maroelawortels grawe. Daar is ook baie sulke moegmakers in ons lewensreis, en kan ‘n mens amper sê, “moenie maroelawortels uitgrawe nie”. Net so moet ‘n mens ook in die veld kophou in watter rigting jy loop, dat jy nie miskien al in die rondte loop nie. Jy moet dus ook jou hele omgewing verken en leer ken. Hierdie beginsels kan ons ook op ons lewensreis toepas.
Eerstens, bly op die spoor. Tweedens, kyk op dat jy die groter
prentjie kan sien. Derdens, fokus, moenie dat goed wat niks met die
spoor te doen het jou aandag aflei nie. Laastens, en miskien die
belangrikste, as jy die spoor verloor, kom tot stilstand en keer
terug na die punt waar jy laas op spoor was, en gaan van daar af
verder. Ons moet fokus op die GPS en nie ons aandag laat aflei deur die dinge op die pad nie. Ongelukkig is daar ‘n leeu op ons pad, en hy laat ons in verskeie rigtings spaander. Dit het met Dawid gebeur. Hy het ‘n mooi vrou in die bad gesien. Waarom kan Dawid dan die woorde in Psalms 17:5 uiter? Eenvoudig. Hy het sy GPS aangehou, en die GPS het vir hom gesê, “You have deviated from the course, recalculating route”. Hy het gaan stilstaan omdat hy die spoor verloor het, en hy het teruggekeer na waar hy laas op die spoor was en van daar af verder gegaan. Daar is ‘n persoon wat gister gesê het hy is ‘n wedergebore Christen, maar in dieselfde asem vertel hy nog hoe hy drink, en alhoewel hy ‘n meisie het, hy ‘n ander dames maat het met wie hy in ‘n suiwer seksuele verhouding is. Hierdie is maar sy situasie. Elkeen van ons is hier vanaand omdat ek glo ons op ‘n geestelike reis is en ons onsself as Christene beskou. As ons vanaand gaan stilstaan waar is ons op ons geestelike reis. Kom ons vat die GPS en kyk net of dit nie dalk sal sê, “You have deviated from the course, recalculating route” nie.
|
DVD - Bediening |
|||||||||||||||
|
Filadelfia
gemeente van Sewendedag Adventiste Centurion Pretoria |